ᑭᒃᑯᑦ ᑲᑎᖅᓱᐃᓂᐊᖅᑲᑦ ᐸᐸᑦᓯᓗᑎᓪᓗ ᑐᑭᓯᒋᐊᕈᑎᑦᓴᓂᒃ?
ᖃᓄᐃᑉᐱᑖ? ᑲᓇᑕᓕᒫᕐᒥ ᐃᓄᐃᑦ ᖃᓄᐃᓐᓂᖏᓐᓂᒃ ᖃᐅᔨᓴᕐᓂᖅ ᐊᐱᖅᓲᑎᒃᑯᑦ QNIHS ᐱᓕᕆᐊᖃᓪᓚᕆᑦᑐᖅ ᐃᖅᑲᓇᐃᔭᖅᑎᑦᓯᒍᒪᓪᓗᑎᑦ ᐃᓄᐃᑦ ᓄᓇᖏᓐᓂ ᐊᕕᑦᑐᖅᓯᒪᔪᓂ ᖃᐅᔨᓴᕐᓂᒃᑯᑦ ᓇᒻᒥᓂᕆᓗᒋᑦ, ᐊᐅᓚᓪᓗᒋᑦ, ᖃᐅᔨᒋᐊᖃᑦᑕᕐᓗᒋᑦ, ᐊᒥᖅᑳᒍᓐᓇᖅᑐᒋᑦ ᐊᑐᕐᓗᒋᓪᓗ ᑲᑎᖅᓱᖅᑕᐅᓯᒪᔪᑦ ᑐᑭᓯᒋᐊᕈᑏᑦ. ᐃᓄᐃᑦ ᑎᒥᖏᑦ ᓴᓇᕙᓪᓕᐊᔪᑦ ᖃᐅᔨᓴᕐᓂᖃᕐᓂᐊᖅᑐᑎᓪᓗ, ᖃᐅᔨᒋᐊᖃᑦᑕᕐᓗᒋᑦ ᐊᒥᖅᑳᒍᑎᒋᓪᓗᒋᓪᓗ ᓄᐊᑕᐅᓯᒪᔪᑦ, ᐊᒻᒪᓗ ᐊᑐᖅᑕᐅᓂᐊᖅᑐᑦ ᓴᖅᑭᑕᐅᓯᒪᔪᑦ ᑐᑭᓕᐅᕈᑕᐅᓗᑎᑦ ᐊᑐᐊᒐᕐᓄᑦ ᐱᓕᕆᐊᑦᓴᕐᓄᓪᓗ ᐱᕚᓪᓕᕆᐊᕆᒍᒪᓪᓗᑎᑦ ᐃᓗᓯᖏᓐᓂᒃ ᖃᓄᐃᙱᑦᓯᐊᕆᐊᖅᐸᓐᓂᖏᓐᓂᓪᓗ ᐃᓄᐃᑦ.