ᖃᓄᐃᑦᑐᓂᒃ ᐊᐱᖅᑯᑎᖃᖃᑦᑕᕐᓂᐊᖅᑲᑦ?
ᐃᓗᓯᓕᕆᓂᕐᒨᖓᔪᑦ ᓯᕗᓪᓕᐅᑎᑕᐅᒍᒪᓯᒪᔪᑦ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ. ᑖᒃᑯᐊ ᓯᕗᓪᓕᐅᑎᑕᐅᒍᒪᔪᑦ ᐊᑐᖅᑕᐅᔪᑦ ᑐᑭᑖᕈᑕᐅᓪᓗᑎᑦ ᓇᓪᓕᖏᓐᓂᒃ ᐊᐱᖅᑯᑎᖃᕆᐊᖃᕐᒪᖔᑕ. ᐊᐱᖅᑯᑎᐅᔪᑦ ᐱᔾᔪᑎᖃᕐᓂᐊᖅᑐᑦ ᐊᒥᓱᓂᒃ ᐅᖃᐅᓯᒃᓴᐅᔪᓂᒃ ᐱᖃᓯᐅᓪᓗᒋᑦ ᓂᕿᓕᕆᓂᖅ ᓂᕆᖃᑦᑕᑦᓯᐊᕐᓂᕐᓗ, ᐃᓱᒪᒃᑯᑦ ᖃᓄᐃᙱᒋᐊᕈᑕᐅᕙᑦᑐᑦ, ᓱᕐᕋᓇᖅᑐᓂᒃ ᐊᑐᖃᑦᑕᕐᓂᖅ, ᐃᓕᖅᑯᓯᓕᕆᓂᖅ ᑭᓇᐅᓂᕐᓗ, ᐊᓯᖏᓪᓗ. ᐃᓄᐃᑦ ᐅᖃᖅᓯᒪᔪᑦ ᑕᑯᒍᒪᓪᓗᑎᑦ ᐊᐱᖅᑯᑎᐅᔪᓂᒃ ᓴᙱᓂᖏᓐᓂᒃ ᓄᓇᓕᖏᑦᑕ ᓴᖅᑭᑎᑦᓯᒋᐊᕈᒪᓪᓗᑎᑦ. ᑲᑎᖅᓱᖅᑕᐅᓯᒪᔪᑦ ᐱᒻᒪᕆᐅᑎᓪᓗᒋᑦ ᐃᓄᐃᑦ ᐊᑦᓱᕉᑎᒋᕙᑦᑕᖏᓐᓂᒃ, ᓴᙱᓂᖃᕐᓂᐅᔪᓂ ᐊᐱᖅᑯᑎᖃᕆᐊᖃᕐᒥᔪᖅ ᓇᓕᒧᒌᓕᖅᑎᒋᐊᕐᓗᒍ ᐱᐅᓂᖏᓪᓗ ᓴᖅᑭᑎᒋᐊᕐᓗᒋᑦ ᐃᓄᑦᑎᓐᓂ ᓄᓇᓕᑦᑎᓐᓄᓪᓗ.