Qanuippitaa? Canadami Inuit Aanniaqarnanngittulirinirnmut Qaujisaqtingita Piliriangat
Qanuippitaa? Canadami Inuit Aanniaqarnanngittulirinirnmut Qaujisaqtingit (QNIHS) Inungnit aulataujutuangulluni Aanniaqarnanngittulirinirnmut qaujisainirnmi piliriangungmata ilautitsisimallutik Inungnik qanutuinnaq ukiulinnik ammalu tamainnit nunaligijaujunit sitamaullutik Inuit aviktuqsimaninginnit, piqasiutillugit ilangit inugiaktunirmiuni iqqanaijarvigijaujut. Taakkutiguunaq piliriakkut katiqsuivaktut nutauniqpaujunik tusagaksaqutinik pijausimaliriaqaqtunik nunaligijaujunit, Inuit katujjiqatigiinginnit ammalu isumaliurutiliuqtinik piuniqsatigut tukisijausimaliqullugit Inuit aanniaqarnanngittulirinirnmut sannginiqarvigijanginik ammalu piliriaksarijaujunik aviktuqsimaniujut ammalu Canadaup quttingningitigut
Qanuippitaa? Canadami Inuit Aanniaqarnanngitttulirinirnmut Qajisaqtit Piliriaqaqtiullutik Timingat (NIHSWG), piliriqatigillugit aviktuqsimanirmi Inuit Aanniaqarnanngitttulirinirnmut Qaujisaqtit Tukimuaktitsijiullutik Katimajiralaanginik, sivuliqtiuvaktut tamainni piliriaqarniuvalliajuni QNIHS-nik aaqqiksuivallianirnut ammalu atuliqtitsivallianirnut. Taakkua NIHSWG-kut pijjutiqaqtiqaqtut ukunanngat:
- Inuvialuit Aviktuqsimaningani Kuapuriisangat
- Nunavut Tunngavik Timingat
- Makivik Kuapuriisangat
- Nunatsiavut Gavamanagt
- Nunavut Gavamangat
- Nunatsiaq Gavamangat
- Labrador Grenfell Aanniaqarnanngittulirijingit
- Nunavik Aviktuqsimanirmi Aanniaqarnanngittulirijikkut ammalu Inuusilirijikkut Pijitsiraqtingita Katimajingit
- Inuit Ukiuqtaqtumi Katimajingit – Canadami (niruarunnanngittut)
- Inuit Tapiriit Kanatami (niruarunnanngittut)
- Canadami Makkuktut Inuit Katimajirjuangit (atainnaqtumik tusaajaqtursimavaktut)
- Pauktuutit Arnait Inuit Canadami (atainnaqtumik tusaajaqtursimavaktut)
Sunaummata Inungnit isumaliurutiusimajut, quttingniqpaatigut piutsiaqtunik aanniaqarnanngittulirinirnmut tukisigiarviksaqutiit?
Taakkua piliriangujut pijjutigillugit, Inungnit isumaliurutiusimajut tukisigiarviksaqutiit tukisigiarviksaqutinik katiqsuiniuvammata nalunaiqsijjutitigut ammalu pilirianguvalliavanninginik maliktitaullutik naammagijausimajunit Inuit katujjiqatigiinginnit ammalu tusaqtitausimallutik tukisiumanirmiktigut isumagijaujunit Inunnit atuni aviktuqsimaniujunit. Quttingniqpaatigut piutsiaqtut tukisigiarviksaqutiit tukisigiarviksaqutiummata imannaittuullutik:
- Aturniqarajaqtunik parnautiliurnirmi ikajuqtuisimaniarlutik Inuit aanniaqarnanngittulirinirnmut ammalu qanuinngittiarnininginnut;
- Pijjutiqaqtitaullutik qanuinngitsiaqtitauninginnut piliriaksakallaujunut ammalu Inuit aanniaqarnanngittulirinirnmut sannginiqarvigijanginnut, pitaqaliqtitsijjutiusimajunut Inuit kajusiinnariarunnaqpanninginik aksururnaqtukkuuraluarutik;
- Aaqqiksuangusimajunut piliriniqarluaqsutik tukisigiarviksaqutinik katiqsuinirminni pilirijjusiusimajunit, tukimuagutiksaqaqtitaullutik Inuit qaujimaninginnit, aturniqaqtitanginnit, ammalu silarjualimaamiuni isumajjusiujunut ammalu nutaniqpaangullutik aanniaqarnanngittulirinirnmut qaujisaijimmariit qaujisaivanninginnit; ammalu,
- Ajjigiinniqaqtitaujunik piliriniqarviuvallianiarningini ammalu aviktuqsimaniujuni.
Qaujisainirmi piliriaqarusiujut ilaqaqtitaullutik Inuit qaujimajanginik ammalu silattuqsaqvingmit qaujisainiujunit, atuliqtitsisimaningit “piuniqpaujunik piusiqaqatigiinngittut pilirijjusinginnit’ aaqqiisimalirniksamut pilirijjutiqarluarajarnirmi, Inungnut turaangatitausimajunik, ammalu pitsiaqtuullutik piliriniqarniqtigut aanniaqarnanngittulirinirnmut qaujisainiuvaktuni.
Qanuippitaa? Canadami Inuit Aanniaqarnanngittulirinirnmut Qaujisaqtingit (QNIHS) ullumimut tikititausimajunik tusagaksaqutinik katiqsuivanniaqtut ikajurutiksauniaqtunik piliriamut ammalu maligaliuqtiujunut nunaliujup, aviktuqsimaniujup ammalu Canadaup quttingninginniiqtut tukisiumaliqpaalliqullugit qanuq Inuit qanuinngitsiaqtitauninginnut qanuilinganingit asijjiqpallianiqarmangaata ilaqaqtillugit tukimuagutiksauniaqtunik Inuit aanniaqarnanngittulirinirnmut pilirianik aaqqiksuininginni. Qaujigiarnirni turaangatitauvanniaqtut Inuit qanuinngitsiaqtitauninginnut ammalu inuusilirinirmi isumaliuqsimalirutiuvaktunut aanniaqarnanngittulirinirmi, ilaqaqtillugit iglulirinirmut, niqigijaksaminnik pisimaliqattarnirnut, isumakkut qanuinngitsiarnilirinirnmut, aanniaqarnanngittulirinirnmut qanuinnanngittumiititsinirnnut ammalu mianirijauninginnut, ilinniarnilirinirmut, kiinaujaliurutiuvaktunut, annaumajjutiksaqaqpannirnut, ammalu piusituqalirinirmi ammalu uqausilirinirmi pilirianut.