Taakkua QNIHS-ngujut pitaqaqtitsijiuvanniaqtut tamaitiguuqtisimallugit tautturijaujunik Inuit aanniaqaliqtailimasuarninginnut ammalu qanuinngittiarasuarninginnut tamainni aviktuqsimanirijaujuni – sunat ingirrattiarniqaqpat ammalu naukkut piliriniujut piusigiaqtitaujariaqaqpat. Inuit Nunaqutilimaanganit katinniqasivulliqpaarmik, taakkua Canadami qaujisaijiujut Inunginnit katisimalutik piliriaqaqatigiiliqtittiniarmata. QNIHS-ngujunut tukisigiarviksaqutinik katiqsuisimalirniaqput tamainnit nunaligijaujunit Inuit Nunaqutilimaangani – Inuvialuit Aviktuqsimaninganit, Nunavummit, Nunavingmit, ammalu Nunatsiavummit. Pilirianguniarmijuq Inungnit Ottawa-mit sivullinganik qaujisainiqaliqtillugit ammalu angigligiaqtitausimajunnarilluni inugiaktunirmuungujunut kinguniani piliriniqarviulirniarmijuni.

QNIHS-ngujut qaujisainituinnaunngimmata. Tautturijangit ammalu atuliqtitausimaningit QNIHS-ni, ilaqaqtillugit qaujigiaqtausimaninginik, siammaktiqtausimaninginnik ammalu atuqtauvanninginik qaujijausimalilauqtut, turaangatitausimammata ikajurutiksauqullugit akuniinngittumut ammalu akuniiqtumuq asijjiisimalirniksanut taimalu ukiut atuqpallianinginni piusigiaqtittisimalirajarnirmut Inuit aanniaqarnanngittulirinirnmut ammalu qanuinngittiarniliriningit.