ᓱᒻᒪᑦ ᐃᓚᐅᒋᐊᑐᕗᖓ?

ᑖᓐᓇ ᖃᐅᔨᓴᕐᓂᖅ ᐊᐱᖅᓲᑎᒃᑯᑦ ᐃᓱᒪᖅᓲᑎᐅᔪᖅ ᑭᓯᐊᓂᓕ ᐱᒻᒪᕆᐊᓘᔪᖅ ᐃᓚᐅᖃᑕᐅᓂᖅ ᖃᐅᔨᓴᕐᓂᕐᒥᒃ ᐊᐱᖅᓲᑎᒃᑯᑦ. ᑕᐃᒪᐃᒍᓂ, ᑐᑭᓯᒋᐊᕈᑏᑦ ᐱᓯᒪᔪᑦ ᖃᐅᔨᓴᕐᓂᕐᒥᒃ ᓱᓕᓂᖃᑦᓯᐊᕐᓂᐊᕐᒪᑕ ᐱᒍᓐᓇᕐᓂᓕᒫᖓᓄᑦ. ᓱᓕᙱᑦᑐᓂᒃ ᑐᑭᓯᒋᐊᕈᑎᖃᕐᓂᖅ ᖃᓄᐃᓪᓚᕆᓐᓂᖏᓐᓂᒃ ᐃᓄᐃᑦ ᓄᓇᖏᓪᓗ, ᐱᔭᕆᐊᑐᓂᖅᓴᐅᕙᑦᑐᖅ ᐱᓕᕆᐊᖃᕋᓱᐊᕐᓂᖅ ᐊᑐᓕᖅᑎᒃᓯᓂᕐᓗ ᐱᓕᕆᐊᒃᓴᓂᒃ ᐊᑐᐊᒐᕐᓂᓪᓗ ᐱᕚᓪᓕᕆᐊᕈᑕᐅᒐᓱᐊᕈᓐᓇᖅᑐᓂᒃ ᐃᓗᓯᓕᕆᓂᒃᑯᑦ ᖃᓄᐃᙱᑦᓯᐊᕆᐊᕐᓂᒃᑯᓪᓗ ᐃᓄᓐᓄᑦ. ᑐᑭᓯᒋᐊᕈᑏᑦ ᓄᐊᑕᐅᔪᑦ ᐊᐱᖅᓱᖅᑕᐅᔪᓂ ᐱᒻᒪᕆᐅᔪᖅ ᓇᓗᓇᐃᖅᓯᒍᑕᐅᖁᓪᓗᒍ ᖃᓄᐃᓐᓂᕆᔭᖏᓐᓂᒃ ᐃᓄᐃᑦ ᓄᓇᖏᓐᓂ ᐊᕕᑦᑐᖅᓯᒪᔪᓂ.