ᖃᓄᖅ ᐱᓕᕆᐊᑦᓴᖃᖅᑎᑕᐅᕙᑦ ᓯᓚᑎᑦᑎᓐᓃᖔᖅᑐᑦ ᖃᐅᔨᒪᔨᑕᒻᒪᕇᑦ?
ᐃᓄᐃᑦ ᐱᓕᕆᐊᖃᓪᓚᕆᑦᑐᖅ ᐊᓯᔾᔨᕆᐊᖅᑕᐅᓗᓂ ᖃᓄᖅ ᑲᑎᖅᓱᖅᑕᐅᕙᑦᑐᑦ ᐊᑐᖅᑕᐅᔪᑦᓴᒫᖑᒻᒪᖔᑕ, ᐊᐅᓚᑕᐅᓗᑎᑦ ᐊᒥᖅᑳᒍᑕᐅᓗᑎᓪᓗ. ᖃᓄᐃᑉᐱᑖ? ᑲᓇᑕᓕᒫᕐᒥ ᐃᓄᐃᑦ ᖃᓄᐃᓐᓂᖏᓐᓂᒃ ᖃᐅᔨᓴᕐᓂᖅ ᐊᐱᖅᓲᑎᒃᑯᑦ ᐃᓄᓐᓄᑦ ᓇᒻᒥᓂᖅᓲᑎᐅᓂᐊᖅᑐᖅ ᐃᓄᓐᓄᓪᓗ ᐊᐅᓚᑕᐅᓗᓂ. ᐱᓕᕆᖃᑎᑦᓴᓂᒃ ᕿᓂᕐᓂᐊᖅᑐᑦ ᐃᓄᓐᓂᑦ ᐱᑦᓯᐊᕐᓂᖃᖅᑐᓂᒃ ᓇᒻᒥᓂᖅᓱᕈᒪᓂᖏᓐᓄᑦ ᑲᑎᖅᓱᐃᓂᖃᑦᓯᐊᖁᓪᓗᒋᑦ ᐱᐅᓂᖅᐹᖑᒋᐊᖅᑐᓂᒃ. ᑐᕌᒐᕆᔭᖓᑦ ᐃᓚᖓᑕ ᐃᓗᓯᓕᕆᓂᒃᑯᑦ ᖃᐅᔨᓴᕐᓂᕐᒥ ᐊᐱᖅᓲᑎᒃᑯᑦ ᓱᓇᒃᑯᑖᒻᒪᕆᓐᓂᒃ ᓴᓇᕙᓪᓕᐊᖁᓪᓗᒋᑦ ᐊᔪᙱᓐᓂᐅᔪᓂᓪᓕ ᐃᓄᐃᑦ ᐊᐅᓚᑦᓯᒍᓐᓇᖁᓪᓗᒋᑦ ᖃᐅᔨᓴᕐᓂᐅᔪᓕᒫᕐᓂᒃ ᐊᑕᐃᓐᓇᓕᒫᖅᑐᒥᒃ. ᐱᓕᕆᖃᑎᖃᑦᓯᐊᕐᓂᖅ ᐱᕈᖅᐸᓪᓕᐊᑎᑦᓯᓂᐊᖅᑐᖅ ᐊᔪᕈᓐᓃᖅᐸᓪᓕᐊᓂᕐᒥᒃ ᐱᓕᒻᒪᓴᖅᑕᐅᕙᓪᓕᐊᓗᑎᑦ, ᑐᑭᓯᒋᐊᕈᑎᑦᓴᓂᒃ ᐊᒥᖅᑳᓪᓗᑎᑦ ᖃᐅᔨᒪᔨᑕᐅᓂᕐᒥᓂᓪᓗ ᐊᒥᖅᑳᖃᑎᒌᓪᓗᑎᑦ.