ᓱᒻᒪᑦ ᐃᓄᐃᑦ ᖃᐅᔨᓴᖅᑕᐅᓂᖃᒃᑲᓐᓂᕆᐊᖃᖅᑲᑦ ᖃᓄᐃᓐᓂᖏᓐᓂᒃ?
ᑐᑭᓯᒋᐊᕈᑎᑦᓴᓪᓗᐊᑕᐅᔪᑦ ᖃᓄᐃᓐᓂᖏᓐᓂ ᐃᓄᐃᑦ ᐱᑐᖃᐅᓗᐊᓕᖅᑐᑦ ᓱᓕᓪᓚᕆᙱᑦᑐᒥᓪᓗ ᓴᖅᑭᖅᑎᑕᐅᓯᒪᓪᓗᑎᑦ ᐃᓄᐃᑦ ᖃᓄᐃᓐᓂᖏᓐᓂᒃ ᖃᓄᐃᙱᑦᓯᐊᕆᐊᖅᐸᓐᓂᖏᓐᓂᓪᓗ. ᖃᓄᐃᑉᐱᑖ? ᑲᓇᑕᓕᒫᕐᒥ ᐃᓄᐃᑦ ᖃᓄᐃᓐᓂᖏᓐᓂᒃ ᖃᐅᔨᓴᕐᓂᖅ ᐊᐱᖅᓲᑎᒃᑯᑦ ᑲᑎᖅᓱᐃᓂᐊᖅᑐᖅ ᒫᓐᓇᓕᑕᕐᓂᒃ ᑐᑭᓯᒋᐊᕈᑎᑦᓴᓂᒃ ᐱᔭᐅᒋᐊᓕᓐᓂᒃ ᓄᓇᓕᓐᓄᑦ, ᐊᕕᑦᑐᖅᓯᒪᔪᓃᑦᑐᓂ ᐃᓄᐃᑦ ᒐᕙᒪᖏᓐᓄᑦ ᐊᓯᖏᓐᓄᓪᓗ ᑐᑭᓯᒪᓂᖅᓴᐅᖁᓪᓗᒋᑦ ᐃᓄᐃᑦ ᐊᑦᓱᕉᑎᒋᕙᑦᑕᖏᓐᓂᒃ. ᖃᐅᔨᓴᕐᓂᖅ ᐊᐱᖅᓲᑎᒃᑯᑦ ᑐᑭᓯᒋᐊᖅᑎᑦᓯᒍᓐᓇᖅᑐᖅ ᐃᑲᔪᕈᑕᐅᓗᓂ ᐱᕙᓪᓕᐊᑎᑕᐅᓂᖏᓐᓂ ᐱᓕᕆᐊᑦᓴᐃᑦ ᐊᕕᑦᑐᖅᓯᒪᔪᓃᑦᑐᓂ ᑐᕌᖓᖃᖅᑐᓂᒃ ᐱᕚᓪᓕᕆᐊᖅᑎᑦᓯᓂᕐᒥ ᐃᓗᓯᖏᓐᓂ ᐃᓄᐃᑦ, ᐃᓚᑦᑕ ᓄᓇᓕᑦᑕᓪᓗ.